Justice for all low-income people in Washington

Main Content

Uaak Eo An NJP Ikijjien Coronavirus

Ej kõttõpar eo an NJP in bwe en leļǫk jerbal im jibañ ko elap aer eṃṃan tata ñan ro ej jerbal ippãer ak client ro an ilo aolepen pelakin state in ilo iien idiñ in kõn nañinmej in cononavirus. NJP ej bareinwõt lale im kãroñjake wõt meļeļe ko rekããl ikijjien wãween in ewaļǫk ñan kalikkar eļaññe ewõr oktak ko aikuj kõṃṃani ñan jibañļǫk aikuj ko an client ro an im rej iion apañ im eñtaan jen idiñ in ikijjien nañinmej in coronavirus.

Elaajrak ijin ilaļ ej jerbal in jibañ ko NJP ej kõṃṃani ilo tõre in im awa in jerbal ko:

  1. CLEAR – Jerbal in jibañ ko ilo hotline rej wõnṃaanļǫk wõt ãinwõt mokta (ejja awa ko wõt kar karõki - Mande ñan Bõlaide kõtaan 9:15 jibboñ im 12:15 ãlikin raelep). Ñe ealikkarļǫk im lõñļǫk meļeļe kõn jõkjõk in jepãd ie, jenaaj kwaļǫki ijin.

  2. Washington LawHelp enaaj wõnṃaanļǫk wõt im illik ak post meļeļe ko rõkããl ikijjien kien (legal updates) (Lale: Washington LawHelp Coronavirus Resources page).

  3. Opij in Jerbal ko (Field Offices): Ekkar ñan naan in kõkapilõk ko jen rutiej ro an public health ikijjien an lapļǫk jorrããn jen nañinmej in coronavirus, naan in karoñ im kõkapilõk ko jen Governor Inslee - im jen county – NJP ej kõṃṃane buñten ne kein ijin ilal:

Office in Jerbal ko an NJP rej jino oktakļǫk ñan kõṃṃan wõt jerbal ilo talboon ak online (telecommuting) jino jen Mande, Maaj 16, 2020.

  • Meļeļein bwe opij ko an NJP renaaj kõjerbal talboon ak konono ilo video eļaññe emaroñ – im opij ko rõkilõk ñan jabdewõt armej.

  • Opij kein rej kõṃṃan karõk ko jet ippãn client ro ikijjien appointment ko aer im kweilǫk ko jet im kar karõki ļǫk ṃokta. Eļaññe ewõr am kajjitõk kõn case eo aṃ ak kõn kweilǫk ippãn ļoãr ak advocate eo aṃ, jouj im kũrļǫk ak keppak advocate eo ej jibañ eok.

  • Ro rej kajju itok/jedetok ñan opij eo kõn kajjitõk ko aer im client ro rej itok ñan opij eo ak ejjeļǫk aer appointment renaaj aikuj call e nõṃba eo ej waļǫk ilo mejãn kõjãm eo.

  • Eļaññe kwõjjab juon iaan client ro amem im kwaikuj jibañ ikijjien men ko rejelõt kien (legal assistance),

jouj im call 2-1-1 ilo King County

CLEAR Hotline:1-888-201-1014 ilo aolep county ko jet

NJP ej kanooj kãroñjake im lale wãween an nañinmej in jelõt jukjukun pãd ko client ro an rej jokwe ie ñan lale im kalikkar eļaññe ebar wõr wãween ko jet rõkkar emaroñ kõṃṃani.

Eļaññe kwõj eñjake kakõļļe ko an nañinmej in coronavirus (Lale: symptoms associated with COVID-19), jouj im pãd wõt ṃweo iṃõm im kũrļǫk ak kepaak taktõ eo aṃ.